ਸਰਹੱਦ ਕੰਡਿਆਲੇ ਝਾੜ ਦੀ ਪੰਛੀ ਟੱਪ ਜਾਵੇ
ਤੇ ਕੰਡਿਆਲੀ ਤਾਰ ਦੀ ਕੁੱਤਾ ਬਿੱਲੀ ਲੰਘ ਜਾਵੇ
ਅਤੇ ਲੱਕੜੀਆਂ ਸੇ ਜਾਲ਼ ਦੀ ਕੋਈ ਪਸ਼ੂ ਤੋੜ ਜਾਵੇ
ਸਰਹੱਦ ਜੇ ਹੋਵੇ ਦਿਲ਼ਾਂ ਦੀ ਮੁਹੱਬਤ ਮਿਟਾ ਜਾਵੇ
ਹਵਾਵਾਂ ਲਈ ਨਾ ਸਰਹੱਦ ਏ ਪਰ ਏਨ੍ਹਾਂ ਦੀ ਹੱਦ ਏ
ਜਿਸਦੇ ਦਿਲ ਵਿੱਚ ਦਰਦ ਏ ਲੋਕਾਂ ਦਾ ਹਮਦਰਦ ਏ
ਕੋਈ ਰਿਹਾ ਉਡੀਕਦਾ ਤੇ ਕਿਸੇ ਨੇ ਲਾਈ ਸੱਦ ਏ
ਹਰ ਹਾਲਤ ਵਿੱਚ ਏਨ੍ਹਾਂ ਨੇ ਮਿਟਾ ਦਿੱਤੀ ਸਰਹੱਦ ਏ
ਇੱਕ ਸਰਹੱਦ ਏ ਡਾਢੀ ਚੁੱਪ ਦੀ ਤੇਰੇ ਤੇ ਮੇਰੇ ਵਿਚਲੀ
ਖ਼ੁਸ਼ੀ ਵੀ ਤੇਰੇ ਸੰਗ ਦੀ ਪਰ ਚੀਸ ਵੀ ਨਿਕਲੀ ਨਿਕਲੀ
ਨ੍ਹੇਰੇ ਚਾਨਣ ਦੇ ਰੂਪ ਵਿੱਚ ਮੇਰੇ ਉੱਤੋਂ ਦੀ ਫਿਸਲੀ
ਅਛੋਪਲੀ ਜਿਹੀ ਸਰਹੱਦ ਮੈਂ ਵੀ ਬਣਉਣੀ ਸਿੱਖਲੀ
ਦੁਨੀਆਂ ਵਿੱਚ ਨੇ ਸਰਹੱਦਾਂ ਬਣਨੀਆਂ ਤੇ ਢਹਿਣੀਆਂ
ਇਹ ਵੀ ਪੱਕੀ ਗੱਲ ਹੈ ਕਿ ਇਹ ਸਦਾ ਨਾ ਰਹਿਣੀਆ
ਮੇਰੀ ਸਰਹੱਦ ਉਦੋਂ ਟੁੱਟੂ ਜਦ ਪੈੜਾਂ ਤੇਰੀਆਂ ਪੈਣੀਆਂ
'ਮਹਿਕ' ਲੱਗਦਾ ਸਰਹੱਦਾਂ ਹੋਰ ਕੁਝ ਚਿਰ ਸਹਿਣੀਆਂ
Subscribe to:
Post Comments (Atom)
No comments:
Post a Comment