Thursday, November 19, 2009
ਇੱਕ ਬੇਰੰਗਾ ਲਿਫਾਫ਼ਾ
ਕਿਹੜਾ ਘੁਣ ਲੱਗ ਗਿਆ ਅੱਜ ਆਪਣੀ ਅਪਣੱਤ ਤੇ
ਰੋਂਦਾ ਹੋਊ ਮਨੁੱਖਤਾ ਦਾ ਮਸੀਹਾ ਆਪਣੀ ਦੁਰਗੱਤ ਤੇ
ਕਿਸਨੇ ਸੰਗੀ ਘੁੱਟੀ ਮੇਰੀ ਮੁਹੱਬਤ ਦੇ ਮਿਰਗ ਦੀ
ਕਿਸਨੇ ਕਾਲਖ ਡੋਲ਼ੀ ਸੂਹੇ ਮੇਰੇ ਦਿਲ ਦੀ ਰੱਤ ਤੇ
'ਤੂੰ ਲੈ ਰਾਹ ਆਪਣਾ ਮੈਂ ਚੱਲੀ' ਕਹਿ ਕੇ ਪਰਤ ਪਈ
ਸੀ ਕਿਸ ਨਿੱਜੜੇ ਪੱਥਰ ਪਾਏ ਮੇਰੀ ਮੱਤ ਤੇ
ਤੇਰਿਆਂ ਸਾਹਾਂ ਦੀ ਕੀਮਤ ਮੇਰੀ ਜ਼ਿੰਦਗੀ ਤਾਂ ਨੀ ਸੀ
ਕਿਓਂ ਲਿਖ ਆਈ ਮੌਤ ਤੇਰੇ ਸਾਹਾਂ ਦੇ ਪੱਤ ਤੇ
ਇੱਕ ਬੇਰੰਗਾ ਲਿਫਾਫ਼ਾ ਹੌਂਕਿਆਂ ਦਾ ਨਿੱਤ ਆਉਂਦਾ
ਕੋਈ ਨਾਂ ਪਤਾ ਨਾ ਲਿਖਿਆ ਹੁੰਦਾ ਇਸ ਖ਼ਤ ਤੇ
ਕਿਸਨੇ ਮੇਰੇ ਹੰਝੂਆਂ 'ਚ ਵੀ ਭਰ ਦਿੱਤੀ ਚਾਨਣੀ
ਜਾ ਕੇ ਲਏ ਸਜਾ ਨੀਲ਼ੇ ਅੰਬਰ ਦੀ ਛੱਤ ਤੇ
Subscribe to:
Post Comments (Atom)
ਵਧੀਆ ਲਿਖਿਆ ਹੈ ਖਾਸ ਕਰਕੇ ਪਹਿਲਾ ਸ਼ੇਅਰ
ReplyDeleteਬਾਕੀ ਵੀ ਵਧੀਆ ਹਨ
ਤੁਹਾਡੀ ਕਲਮ ਪਿਆਰੀ ਹੈ ਪਰ ਰੁਮਾਂਸ ਦਾ ਮੁਲੱਮਾ ਵਧੇਰੇ ਹੈ
ਇਹ ਜਦ ਸਧਾਰਨ ਲੋਕਾਂ ਦੀਆਂ ਤਕਲੀਫਾਂ ਤੇ ਉਹਨਾਂ ਦੇ ਹੱਲ
ਨਾਲ ਜੁੜੇਗੀ ਤਾਂ ਹੋਰ ਵੀ ਪਆਰੀ ਹੋ ਜਾਵੇਗੀ
ਸੋਹਣੀ ਗ਼ਜ਼ਲ ਹੈ .ਕੁਦਰਤ ਦੇ ਵਰਤਾਰੇ ਨੂੰ ਵੀ ਕਿਸੇ
ReplyDeleteਕਿਸੇ ਸ਼ੇਅਰ ਵਿਚ ਸ਼ਾਮਲ ਕਰ ਲਿਆ ਕਰੋ.ਸ਼ਬਦਾਂ
ਲਗਾਂ ਮਾਤਰਾਂ ਦਾ ਹੋਰ ਧਿਆਨ ਰਖੋ.ਤੁਸੀਂ ਅੱਗੇ ਜਾ
ਕੇ ਬਹੁਤ ਹੀ ਉਚ ਮਿਆਰੀ ਗ਼ਜ਼ਲ ਲਿਖੋਗੇ ਅਤੇ
ਪੰਜਾਬੀ ਸਾਹਿਤ ਵਿਚ ਨਵੀਂ ਬੁਲੰਦੀ ਛੂਹ ਸਕਦੇ ਹੋ
ਆਮੀਨ
very nice...keep up good work
ReplyDelete