ਕਿਸੇ ਨਹੀਂ ਸੀ ਸੁਣਿਆਂ ਸੱਸੀ ਦੀਆਂ ਧਾਹਾਂ ਨੂੰ
ਅੰਨ੍ਹੇ ਭੰਵਰ 'ਚ ਘਿਰਨਾ ਪੈਂਦਾ ਇਸ਼ਕ ਮਲਾਹਾਂ ਨੂੰ
ਚੱਲ ਤੂੰ ਵੀ ਰੁੱਖ ਕਰ ਹੁਣ ਆਪਣੇ ਘਰ ਵੱਲੇ
ਸ਼ਾਮ ਪਈ ਤਾਂ ਪੰਛੀ ਵੀ ਮੁੜਦੇ ਨੇ ਪਨਾਹਾਂ ਨੂੰ
ਕਦੇ ਤਾਂ ਮੰਜ਼ਿਲ਼ ਮਿਲੇਗੀ ਜਖ਼ਮੀ ਹੋਏ ਪੈਰਾਂ ਨੂੰ
ਕਦੇ ਤਾਂ ਚੈਨ ਆਵੇਗਾ ਉਨੀਂਦੀਆਂ ਰਾਹਾਂ ਨੂੰ
ਪਿਆਰਾਂ ਦੇ ਪਰਿੰਦੇ ਕਦੇ ਤਾਂ ਪਰਤਣਗੇ ਦਿਲ਼ੀਂ
ਕੋਈ ਤਾਂ ਸੁਰ ਮਿਲੇਗੀ ਉੱਖੜੇ ਹੋਏ ਸਾਹਾਂ ਨੂੰ
ਓਹ ਈਦ ਦਾ ਚੰਨ ਕਦੇ ਤਾਂ ਚੜੇਗਾ ਚੁਬਾਰੇ
ਕੋਈ ਗਲਵੱਕੜੀ ਮਿਲਜੂ ਸੁੰਨੀਆਂ ਬਾਹਾਂ ਨੂੰ
ਇੱਕ ਵਾਰ ਮੁਹੱਬਤ ਦਾ ਬੀ ਤਾਂ ਬੀਜ ਕੇ ਦੇਖ
ਫਲ਼ ਲਗਦੇ ਆਏ ਨੇ ਸਦਾ ਸੁੱਚੀਆਂ ਚਾਹਾਂ ਨੂੰ
ਆਪੇ ਉੱਠਣਾ ਪੈਣਾ ਜੇ ਕੁਝ ਕਰਨਾ ਚਾਹੁੰਦੀ ਤਾਂ
'ਮਹਿਕ' ਮੌਤ ਹੀ ਮਿਲਦੀ ਝੂਠੀਆਂ ਢਾਹਾਂ ਨੂੰ
Subscribe to:
Post Comments (Atom)
ਚੱਲ ਤੂੰ ਵੀ ਰੁੱਖ ਕਰ ਹੁਣ ਆਪਣੇ ਘਰ ਵੱਲੇ
ReplyDeleteਸ਼ਾਮ ਪਈ ਤਾਂ ਪੰਛੀ ਵੀ ਮੁੜਦੇ ਨੇ ਪਨਾਹਾਂ ਨੂੰ
ਕਦੇ ਤਾਂ ਮੰਜ਼ਿਲ਼ ਮਿਲੇਗੀ ਜਖ਼ਮੀ ਹੋਏ ਪੈਰਾਂ ਨੂੰ
ਕਦੇ ਤਾਂ ਚੈਨ ਆਵੇਗਾ ਉਨੀਂਦੀਆਂ ਰਾਹਾਂ ਨੂੰ
ਪਿਆਰਾਂ ਦੇ ਪਰਿੰਦੇ ਕਦੇ ਤਾਂ ਪਰਤਣਗੇ ਦਿਲ਼ੀਂ
ਕੋਈ ਤਾਂ ਸੁਰ ਮਿਲੇਗੀ ਉੱਖੜੇ ਹੋਏ ਸਾਹਾਂ ਨੂੰ
ਬਹੁਤ ਖੂਬ ਪਰ ਮਹਿਕ ਜੀ ਕੁਝ ਖਾਹਿਸ਼ਾਂ ਅਤੇ ਅਰਮਾਨ ਕਬਰਾਂ ਤੱਕ ਨਾਲ ਹੀ ਜਾਂਦੇ ਹਨ ਉਡੀਕਦਿਆਂ ਉਮਰ ਲੰਘ ਜਾਂਦੀ ਹੈ,,,,,,