ਨਾ ਸਾਨੂੰ ਮਿਲਣ ਦਾ ਢੰਗ ਆਇਆ
ਨਾ ਤੇਰੇ ਚਿਹਰੇ 'ਤੇ ਰੰਗ ਆਇਆ
ਤੇਰੇ ਨਾਲ਼ ਹੀ ਖ਼ੁਸ਼ੀ ਸੀ ਮੇਰੀ
ਤੂੰ ਕਰਕੇ ਹਰ ਮੋਹ ਭੰਗ ਆਇਆ
ਮੇਰਾ ਪੋਟਾ ਪੋਟਾ ਕਰਜ਼ਾਈ ਤੇਰਾ
ਫਿਰ ਕਰਕੇ ਤੂੰ ਕਿਉਂ ਸੰਗ ਆਇਆ
ਮੇਰੇ ਲਹੂ ਦਾ ਜਾਮ ਬਣਾ ਕੇ ਪੀ
ਦਿਲ਼ ਬਾਝੋਂ ਇਹ ਕਰੰਗ ਆਇਆ
ਦੁਨੀਆਂ ਤਜ ਇਕਲਾਪਾ ਲੋਚਿਆ
ਪਰ ਆਪਾ ਫੇਰ ਵੀ ਸੰਗ ਆਇਆ
ਹੁਣ ਰੋਣਿਆਂ ਤੋਂ ਜੀ ਅੱਕ ਗਿਆ
ਇੱਕ ਖ਼ੁਸ਼ੀ ਉਧਾਰੀ ਮੰਗ ਆਇਆ
ਮਨ ਆਸ਼ਿਕ ਦੁਨੀਆਂਦਾਰੀ ਦਾ
ਕਿ ਰੂਹ ਦੀ ਤੋੜ ਕੇ ਵੰਗ ਆਇਆ
ਕਰ ਕਤਲ਼ ਜ਼ਮੀਰ ਨਿਮਾਣੀ ਦਾ
ਇਹ ਹੋ ਕੇ ਕਿਵੇਂ ਨਿਸੰਗ ਆਇਆ
Subscribe to:
Post Comments (Atom)
ਸਾਰੀ ਫੁਲਵਾੜੀ ਹੀ ਸੁੰਦਰ ਹੈ ,
ReplyDeleteਇਸ ਸ਼ੇਅਰ ਦੀ ਮਹਿਕ ਬਹੁਤ ਚੰਗੀ ਲੱਗੀ
ਦੁਨੀਆਂ ਤਜ ਇਕਲਾਪਾ ਲੋਚਿਆ
ਪਰ ਆਪਾ ਫੇਰ ਵੀ ਸੰਗ ਆਇਆ
ਸ਼ਾਲਾ ਹੋਰ ਬਹਾਰਾਂ ਅਉਣ